Sərbəst güləş millimiz dünya 3-cüsü oldu

Sərbəst güləşçilərimiz Albaniyanın paytaxtı Tiranada keçirilən U-23 dünya çempionatını 1 qızıl, 2 gümüş və 1 bürünc medalla başa vurub.

Allsport.az saytı xəbər verir ki, yekunda 100 xal toplayan millimiz, komanda hesabında 3-cü olub. İran (158) 1-ci, Yaponiya (102) 2-ci yeri tutub.

Bizdən Məhəmmədbəşir Xaniyev (70 kq) qızıl, Ruslan Abdullayev (61 kq) və Arseni Cioyev (86 kq) gümüş, Cəbrayıl Hacıyev (74 kq) bürünc medal qazanıb.