Sərbəst güləş millimiz “Stayki”də hazırlaşır

Sərbəst güləş üzrə millimiz Belarusda təlim-məşq toplanışı keçir. Allsport.az saytı xəbər verir ki, Minskdə yerləşən “Stayki” idman mərkəzində hazırlıqda məşqlər yerli komanda ilə birgə keçirilir.

Seçməmiz ötən həftə paytaxtda Aleksandr Medvedin xatirə turnirində iştirak etdikdən sonra, həmin məkanda toplanışa start verib. Sentyabrın 23-də başlayan hazırlıq prosesi oktyabrın 5-dək davam edəcək.

TMT oktyabrda Albaniyada U-23 və böyüklər arasında dünya çempionatlarına hazırlıq xarakteri daşıyır.