“Sabah” və NTD mövsümü qalib başa vurub

Allsport.az xəbər verir ki, “Sərhədçi” idman mərkəzində Azərbaycan basketbol liqasının (ABL) 28-ci, sonuncu turunun iki oyunu ilə müntəzəm mövsümə yekun vurulub.

Günün ilk oyununda “Sabah” və “Olimpik Şəki” komandaları üz-üzə gəliblər.

Bu oyunda “Sabah” basketbolçuları 105:80 hesablı qələbə qazanaraq müntəzəm mövsümün lideri kimi pley ofda “AAAF Xırdalan” ilə qarşılaşacaqlar.

Ən məhsuldar basketbolçular: “Sabah” (Kalin Kreyn – 17 xal, 6 götürmə), “Olimpik Şəki” ( Endryu Uitset – 29 xal, 8 götürmə

Günün 2-ci oyunu NTD və “Neftçi” basketbolçuları arasında keçirilib.

Bu önəmli oyunda 101:89 hesablı qələbə qazanan NTD, pley of mərhələsinə 2-ci pillədən daxil olaraq “Gəncə” komandasına qarşı oyunlarında ev üstünlüyünü ələ keçirib.

Ən məhsuldar basketbolçular: NTD (Zek Hadson – 20 xal, 10 götürmə), “Neftçi” (Mohsen Moradxani – 24 xal, 13 götürmə)