Sablyaçı Zərifə Hüseynova qardaş ölkədən bürünc medalla dönüb

Yeniyetmə sablyaçı millimiz İstanbulda U-12 və U-14 açıq turnirində iştirak edib. Allsport.az saytı xəbər verir ki, qılıncoynadanlarımız 6 nəfərlə təmsil olunublar.

14 yaşadək oğlanlarda Ayxan Xasiyev 116 iştirakçı arasında 11-ci, Murad Muradov 45-ci, Nurlan Zeynallı 53-cü yer tutub. 14 yaşadək qızlarda ən yaxşı nəticə Zərifə Hüseynovaya məxsusdur.

Qrupda keçirdiyi bütün görüşləri qalib başa vuran həmyerlimiz, ard-arda 1/16, 1/8 və 1/4 finalı qalib başa vurub. O, 85 iştirakçı arasında 3-cü olub.

12 yaşadək oğlanların yarışında Murad Muradov 116 iştirakçı arasında 15-ci yerdə qərarlaşıb.