Sebastyan Ahodan uğurlu göstərici

NHL-in adi mövsümü çərçivəsində “Karolina Hurrikans” və “Monreal Kanadens” qarşılaşıb. Görüş “qasırğalar”ın 5:3 hesablı qələbəsi ilə başa çatıb.

Allsport.az xəbər verir ki, qaliblərin hücumçusu Sebastian Aho 4 məhsuldar ötürmə edib. Finlandiyalı forvard ötən tur “Nashville Predators”a qarşı matçda da (5:2) 4 (1+3) xal qazanmışdı.

Beləliklə, o, tarixdə 2 təqvim günü ərzində səkkiz xal toplayan dördüncü oyunçu oldu. Əvvəllər buna Mayk Rogers (1980-ci ildə), Ron Françis (1989) və Erik Stal (2009) nail olmuşdu.