“Qarabağ”ın hücumçusu üçün növbəti təklifi göndərdi

“Qarabağ”ın hücumçusu Juninyo Vieyra karyerasını İspaniya la liqasında davam etdirməyə yaxındır. Allsport.az AS nəşrinə istinadən xəbər verir ki, “Sevilya” braziliyalı futbolçu üçün növbəti cəhdini edib.

Əndəlüs klubu “köhlən at”lara 3 milyon avro nağd və 1 milyon avro hissə-hissə ödəniş şəklində rəsmi təklif göndərib. 28 yaşlı oyunçunun özü məşhur kluba keçməyə razılığını versə də, Ağdam təmsilçisi onun keçidindən daha çox məbləğ əldə etmək niyyətindədir.

Juninyo 2023-cü ildən “Qarabağ”ın şərəfini qoruyur. O, cari mövsüm ərzində 25 oyunda iştirak edib, 11 qol vurub və 1 məhsuldar ötürmə edib.