“Sibir”də yeni müqavilə

“Sibir” kanadalı hücumçu Endi Andreoff ilə 2026/2027 mövsümünün sonunadək müqavilə imzalayıb.

Allsport.az xəbər verir ki, 34 yaşlı xokkeyçi Novosibirsk klubunda keçirdiyi 137 matçda 81 xal (51 qol, 30 ötürmə) toplayaraq ardıcıl iki mövsüm komandanın ən yaxşı snayperi olub. NHL-də 189 oyun təcrübəsi olan Andreoff, mövsümün ilk yarısını İsveçrənin “Sürix” klubunda keçirdikdən sonra yenidən KXL-ə dönüb.