İlk oyununda ağır zədələndi

“Ayaks”ın və Ukrayna millisinin müdafiəçisi Oleksandr Zinçenko yeni klubunda əsas heyətdə çıxdığı ilk oyunda ağır zədə alıb.

Allsport.az xəbər verir ki, sol ayağından zədələnən futbolçunun martda keçiriləcək DÇ-2026-nın pley-off matçlarını qaçıracağı artıq dəqiqləşib.

Həkimlərin rəyinə görə, diaqnoz yan bağların qırılması olarsa, o, 3 ay, ön çarpaz bağların qırılması təsdiqlənərsə, 1 ilə qədər meydanlardan uzaq qalacaq. Dəqiq müddət MRT müayinəsindən sonra bəlli olacaq.