“Son 2 görüşdə qazanılan təcrübə gələcəkdə bizə çox faydalı olacaq”

Qadın futbol millisi dünya çempionatının seçməsində Danimarkada meydan sahibələrinə 0:2 uduzub. Allsport.az saytı xəbər verir ki, oyundan sonra baş məşqçi Siyasət Əsgərov bunu deyib:

“Bosniya və Hersoqovina ilə müqayisədə, Danimarka daha güclü rəqib idi. Bizi çox çətin oyun gözlədiyini bilirdik. Qrupumuzun məğlub olmayan lider komandasına qarşı oynadıq. Düzdür, 0:2 hesabı ilə məğlub olsaq da, komandamın oynadığı futboldan razı qaldım.

Xüsusən verdiyimiz tapşırıqları yerinə yetirmək, xarakter nümayiş etdirmək baxımından, futbolçuların istəkli olmaları, sonadək mübarizə aparmaları məni qane etdi.

Son 2 oyunda qazandığımız təcrübə gələcək oyunlarında bizə çox faydalı olacaq. Məqsədimiz qarşıdakı iki oyundan xal və ya xallarla ayrılmaqdır”.