“Təhsil” RİM-in həndbol üzrə ölkə birinciliyində 2 saylı RİOEUGİM 2-ci oldu

“Təhsil” respublika idman mərkəzinin həndbolüzrə 2008-ci il və daha kiçik təvəllüdlü qızlar arasında respublika birinciliyi ümummilli lider Heydər Əliyevin 100 illiyinə həsr olunub. Allsport.az saytı xəbər verir ki, “AHF arena”da təşkil olunan yarışda 1-ci və 3-cü yerləri 6 saylı İOEUGİM-nin komandaları, 2-ci yeri 2 saylı RİOEUGİM tutub.

Qalib komandalar “Təhsil” RİM tərəfindən diplom və medalla təltif olunub. Yarışın keçirilməsində məqsəd, Heydər Əliyev irsinin öyrənilməsi və təbliğ edilməsi, həndbol idman növünün təbliği və inkişaf etdirilməsi, ümidverici idmançıların aşkar edilməsi, onların yarış təcrübələrinin artırılması, şəhər və respublika yarışlarında iştirak etmək üçün mərkəzin yığma komandasının tərkibinin müəyyən edilməsindən ibarət olub.