Tiranada növbəti qızıl medal

Albaniyanın paytaxtı Tiranada güləş üzrə U-23 Avropa çempionatına bu gün yekun vurulub. Allsport.az xəbər verir ki, son yarış günündə yunan-Roma güləşi üzrə millinin 2 üzvü həlledici görüşə çıxıb.

Ruslan Nurullayev (72 kq) finalda rusiyalı Danil Qriqoryevlə qarşılaşıb. Ötən il Bakıda keçirilən analoji yarışda bürünc medal qazanan idmançı bu dəfə fəxri kürsünün ən yüksək pilləsinə qalxıb. Nurullayev 3:2 hesablı qələbəylə Albaniyada himnimizin 4-cü dəfə səslənməsinə nail olub.

Elmin Əliyevin (82 kq) debüt etdiyi yarışda medal qazanmaq arzusu isə reallaşmayıb. O, bürünc medal uğrunda görüşdə finlandiyalı Conni Sarkkinenə 1:4 hesabıyla məğlub olub.