- Baxış sayı: 29
- 06 Sentyabr 2024 22:30
- Baxış sayı: 50
- Sentyabr 07, 2024
- 0
İyunun 12-dən 18-dək Albaniyanın paytaxtı Tiranada güləş üzrə U-17 Avropa çempionatı keçiriləcək.
Allsport.az xəbər verir ki, bu gün Azərbaycan güləş federasiyasının (AGF) təlim-məşq bazasında qitə birinciliyində ökəmizi təmsil edəcək yunan-Roma və qadın güləşi üzrə yeniyetmələrdən ibarət komandalarla görüş keçirilib.
AGF-nin icraiyyə komitəsinin üzvü Fərid Mansurov, baş katib Nəsimi Musayev və federasiyanın digər rəsmi şəxsləri, eləcə də məşqçilər yeniyetmə güləşçilərə qarşıdakı məsul yarışda uğurlar arzulayıb.
Avropa çempionatının ilk günlərində yunan-Roma güləşi üzrə mübarizə baş tutacaq. Böyük məşqçi Taleh İsrafilov, məşqçilər Elvin Mürsəliyev və Rasim Ağayevin rəhbərliyi altında Turan Daşdəmirov (45 kq), Elnar Ziyadov (48 kq), Əli Seyidəlili (51 kq), Ayxan Cavadov (55 kq), Nurlan İbadzadə (60 kq), Murad Zeynalabdinov (65 kq), Cavidan Nehmətov (71 kq), Elmin Əliyev (80 kq), Mikayıl İsmayılov (92 kq) və Mahir Qurbanlı (110 kq) çıxış edəcək.
İyunun 14-dən 16-dək isə məşqçilər Həsrət Məmmədyarov və Solmaz Adilovanın rəhbərliyi altında Səadət Quliyeva (43 kq), Esra Məmmədli (46 kq), Gülər Həbibova (53 kq), Ruzanna Məmmədova (57 kq) və Günay Qurbanova (61 kq) uğur qazanmağa çalışacaqlar.
Qitə birinciliyində 2-ci dərəcəli beynəlxalq hakimlərimiz Bəşir İsazadə ilə Həbib Nurulu ədaləti qoruyacaq.