Turan Daşdəmirov: “Finalda erməni rəqibimə rahat qalib gəldim”

Serbiyanın Novı Sad şəhərində U-17 Avropa çempionatında komanda hesabında 1-ci yeri tutan yunan-Roma güləşçilər vətənə qayıdıb. Allsport.az saytı xəbər verir ki, mötəbər yarışda 51 kq-da qalib olan Turan Daşdəmirov sevincini bölüşüb:

“Finala qədər çətin görüşlər keçirdim. Ancaq finalda erməni rəqibimə rahat qalib gəldim. Çalışacağam ki, dünya çempionatına da yaxşı hazırlaşıb, həmin yarışda da qızıl medal qazanım”.