Türkiyənin 100 illiyində xoş təsadüf: DÇ-də 2 qardaş ölkənin bahadırları zirvədə yanaşı dayandı!

Albaniyanın paytaxtı Tiranada U-23 dünya çempionatı sona yetib. Allsport.az saytı xəbər verir ki, yunan-Roma güləşi üzrə Türkiyə millisi 121 xalla komanda hesabında 1-ci olub.

Növbəti yeri 93 xalla Azərbaycan bahadırları tutublar. Gürcüstan 78 xal ilə 3-cü sırada qərarlaşıb.

Mükafatlandırmada 2 qardaş ölkənin komandası yanaşı dayanıb. Artıq bu hal güləş yarışlarında ənənəyə çevrilib. Bu gün Türkiyə cumhuriyyəti 100 illiyini qeyd edib.