U-19 Moldovada 2-ci yer tutub

19 yaşadək futbolçulardan ibarət millimiz Moldovada yoldaşlıq turnirində sonuncu oyununu keçirib.

Allsport.az saytı xəbər verir ki, “Şerif” stadionunda meydan sahiblərinin müvafiq yaş qrupundan ibarət komandası ilə görüş 1:1 yekunlaşıb. Bizdən 87-ci dəqiqədə Nihad Əhmədzadə fərqlənib.

Beləliklə, seçməmiz 4 xalla 2-ci yeri tutub. Qalib 9 xal toplayan Türkiyə olub. 

U-19 turnirin ilk 2 matçında Qazaxıstan yığmasına 2:0 hesabı ilə qalib gəlib, Türkiyə millisinə 0:5 yenilib.