U-19 yığmamız Gürcüstanda darmadağına üzüldü

Gürcüstanda təşkil olunmuş təlim-məşq toplanışı çərçivəsində 19 yaşadək futbolçulardan ibarət Azərbaycan yığması son yoxama oyunu keçirib. Allsport.az xəbər verir ki, “Saburtalo” klubu ilə keçirilmiş oyun Gürcüstan təmsilçisinin 5:0 hesablı qələbəsi ilə yekunlaşıb.

Xatırladaq ki, yığmamız toplanış çərçivəsində daha əvvəl keçirdiyi oyunlarda Tbilisinin “Lokomotiv” klubuna 0:2 hesabı ilə məğlub olmuş, “Sxinvali” klubunun əvəzedici heyətinə isə qalib gəlmişdi – 6:1.