U-23 dünya çempionatını 5 bürünc medalla tamamladıq

Polşanın Bıdqoş şəhərində U-23 dünya çempionatı keçirilib. Allsport.az saytı xəbər verir ki, bu yarışda milli komandalarımız 5 bürünc medal qazanıblar.

İlk 2 yarış günündə yunan-Roma güləşçilərimizdən Sakit Cəlilov (59 kq) və İslam Abbasov (85 kq) bürünc mükafata yetişiblər. Nəsir Həsənov (75 kq) 5-ci olub.

Qadınlarda Türkan Nəsirova (58 kq) və Tatyana Omelçenko (60 kq) fəxri kürsünün 3-cü pilləsinə çıxıblar. Alyona Kolesnik (58 kq) 5-ci yeri tutub.

Sərbəst güləşçilərin qazancı isə 1 bürünc medal olub. 57 kq-da Pərviz İbrahimov fərqlənib. Görüşlərin idarə edilməsində ölkəmizi 1-ci dərəcəli beynəlxalq hakim Qərib Əliyev təmsil edib.