“Unutma, YAŞAT!” mini turnirində güləşçilər böyük hesabla qalib gəlib

Gənclər və idman nazirliyinin həvəskarlar arasında “Unutma, YAŞAT!” şüarı ilə təşkil etdiyi mini futbol turnirinin 2-ci turunda bu gün Azərbaycan güləş federasiyası və Sabunçu gənclər və idman idarəsinin komandaları qarşılaşıblar.

Allsport.az saytı xəbər verir ki, görüş bahadırlarımızın 8:1 inamlı qələbəsi ilə başa çatıb. Növbəti mərhələyə yüksələn pəhləvanların heyəti ilə tanış olun: Cəbrayıl Həsənov (k), Əşrəf Əliyev, Rövşən Bayramov, Yaşar Əliyev, Hacı Əliyev, Toğrul Əsgərov, Sənan Süleymanov və Uğur Novruzov.