Uşaq paralimpiya oyunları

Ьilli paralimpiya komitəsinin təşkilatçılığı, gənclər və idman nazirliyinin dəstəyi ilə əmək və əhalinin sosial müdafiəsi nazirliyinin tabeliyində sosial xidmətlər agentliyinin Sumqayıt paralimpiya idman kompleksində uşaq paralimpiya oyunları keçiriləcək.

Allsport.az xəbər verir ki, 7 dekabrda təşkil ediləcək oyunlarda 130-dan çox uşaq 6 idman növü üzrə (paracüdo, parataekvondo, parapauerliftinq, paraüzgüçülük, parastolüstü tennis, boccia) müxtəlif kateqoriyalarda mübarizə aparacaq.

Uşaq paralimpiya oyunlarının keçirilməsinin əsas məqsədi əlilliyi olan şəxslərin idmana cəlb olunması ilə Azərbaycanı beynəlxalq idman arenalarında layiqincə təmsil edəcək yeni idmançı nəslinin formalaşdırılmasıdır.