Üzgüçülük millisinin baş məşqçisi AzDBTİA-nın tələbələrinə seminar keçib

Bakı su idmanı sarayında Azərbaycan dövlət bədən tərbiyəsi və idman akademiyasının üzgüçülük üzrə “Məşqçilik” ixtisasının tələbələri üçün seminar keçirilib.

Allsport.az saytı xəbər verir ki, 30-dan çox tələbənin iştirak etdiyi seminarı millinin baş məşqçisi Rəşad Əbdürrəhmanov aparıb.

Tələbələrə yarışların əsas hissəsi üzrə təlimlər keçilib və onlar martın 11-dən 13-dək hakim-təcrübəçi kimi üzgüçülük üzrə Azərbaycanın açıq qış çempionatında olacaqlar.