VADA-dan Kamilə Vəliyeva açıqlaması

Ümumdünya antidopinq agentliyi (VADA) bildirib ki, çinli idmançıların işində qadağan olunmuş trimetazidin dərmanının qəsdən istifadəsi ilə bağlı heç bir sübut yoxdur.

Allsport.az xəbər verir ki, bu, VADA-nın məlumatına görə, idman arbitraj məhkəməsini (CAS) trimetazidinin bədəninə təsadüfən daxil olduğuna inandıra bilməyən rusiyalı fiqurlu konkisürən Kamilə Vəliyevanın işindən fərqlidir.

Yanvarda CAS VADA-nın tələbi ilə Vəliyevanı trimetazidin istifadə etdiyinə görə 4 il müddətinə diskvalifikasiya edib. Eyni zamanda, əvvəllər məlum olmuşdu ki, 2021-ci ilin yanvarında Tokio olimpiadası ərəfəsində 23 çinli üzgüçü trimetazidin üçün müsbət nəticə verib və buna görə heç bir cəza çəkməyib.