“Xəzər Lənkəran” Türkiyə klubu ilə qarşılaşacaq

Türkiyənin Kapadokya bölgəsində yay təlim-məşq toplanışını davam etdirən “Xəzər Lənkəran” sabah ilk yoxlama oyununa çıxacaq. Allsport.az xəbər verir ki, cənub klubu məskunlaşdığı otelin məşq meydançasında Türkiyə 3-cü liqa təmsilçisi “Niğdespor”la Bakı vaxtı ilə saat 20:00-da üz-üzə gələcək.

“Xəzər Lənkəran” üç gun sonra isə Super Liqa təmsilçisi ilə gücünü sınayacaq. Qardaş ölkənin əsas liqa təmsilçisi “Kasımpaşa” ilə matç da eyni məkanda baş tutacaq. İkinci yoxlama oyunu Bakı vaxtı ilə saat 19:30-da start götürəcək.