“Yaxın gələcəkdə daha yüksək yerlərə iddialı olacağam”

Bu gün Suqovuşanda ümummilli lideri Heydər Əliyevin xatirəsinə təşkil olunan 3-cü “Prezident kuboku”nda 1-yerlik kayak qayığında 200 metr məsafəyə yürüşdə Amil Ramazanov finişə 3-cü gələrək bu yarışda ölkəmizə ilk medalı qazandırdı. Allsport.az saytı xəbər verir ki, o, mükafatlandırmadan sonra KİV-ə sevincini bölüşdü:

“Bu yarışa yaxşı hazırlaşmışdıq. İlk mərhələdən sonra hiss etdim ki, məndə alınacaq. Hələ ki, bürünc medala nail oldum. Yaxın gələcəkdə daha yüksək yerlərə iddialı olacağam. Yaxşı komandamız formalaşıb. Hər mövsüm öz üzərimizdə bir qədər də artırırıq”.