Yeniyetmə ağırlıqqaldıranımızdan qızıl medal

Polşanın Novı Tomısl şəhərində 15 və 17 yaşlı yeniyetmə ağırlıqqaldıranların Avropa birinciliyi davam edir. Allsport.az saytı xəbər verir ki, milli komandamız bu yarışda uğurlu çıxış edir.

“Lənkəran-Zirvə”nin üzvü Səbinə Əzimova (48 kq) 17-yaşlı həmkarları arasında toplam 152 kq (65+87) nəticə göstərərək, 2-ci dəfə qalib adını qazanıb.

Buna qədər Füqan Əliyev (15 yaş; 62 kq), 1-ci, Rüstəm Qasımov (15 yaş, 50 kq) və İsmayıl Məmmədov (17 yaş ; 50 kq) 3-cü yeri tutublar.