Yeniyetmə güləşçilərin Avropa birinciliyi başlayır

19-24 iyulda İsveçin paytaxtı Stokholmda yeniyetmə güləşçilərin Avropa birinciliyi keçiriləcək. Allsport.az saytı xəbər verir ki, yarışda hər 3 güləş növü üzrə milli komandalarımız iştirak edəcəklər. Bu çempionatı digərlərindən fərqləndirən ən önəmli məqam odur ki, bu ildən etibarən yeniyetmə güləşçilərin qitə çempionatlarında hər bir ölkə hər bir çəki dərəcəsində 2 idmançı ilə təmsil oluna bilər. Bu qərar ötən ilin dekabrında Dünya Güləş Birliyi İcraiyyə Komitəsinin Soçidə keçirilən toplantısında qəbul edilib.

Proqrama əsasən, iyulun 19-20-də sərbəst güləşçilər arasında qaliblər müəyyənləşəcək. Böyük məşqçi Arif Abdullayev, məşqçilər Rövşən Umudov və Yaşar Əliyevin rəhbərliyi ilə Avropa çempionatının medalları uğrunda 18 sərbəst güləşçimiz mübarizə aparacaq. Heyətdə Mahir Məmmədzadə, Maqomedsalix Abakarov (hər ikisi – 42 kq), Əsgər Məmmədəliyev (46 kq), İntiqam Vəlizadə, Vüsal Hüseynov (50 kq), Sabutay Əmişov, Maqomedqadji Kasumov (54 kq), Daur Psardiya, Murad Məmmədov (58 kq), Qadjimurad Qadjiyev, Djopua İnal (hər ikisi 63 kq), Abakar Abakarov, Abdulmuslim Məmmədov (69 kq), Rəşad Yusifli, İslam Əliyev (76 kq), Əhliman Quliyev (85 kq), Asxab Həmzətov və Əli Əminzadə (100 kq) yer alıblar.

İyulun 21-22-də böyük məşqçi Həsrət Məmmədyarov və məşqçi İsaməddin Hüseynovun başçılığı ilə 7 qız güləşçimiz – Şəhanə Nəzərova (38 kq), Ayşən Yusifova (40 kq), Aynur Camalova (43 kq), Sevinc Əhədova (46 kq), Jalə Əliyeva (49 kq), Alina Zakoeva (52 kq) və Ceyla Nağızadə (56 kq) çempion adı uğrunda mübarizə aparacaq.

Nnəhayət, son 2 yarış günü, yəni iyulun 23-24-də yunan-roma güləşçiləri arasında qaliblər müəyyənləşəcək. Böyük məşqçi Bəhram Mürvətov və məşqçi Fuad Alıyev heyətə 14 güləşçi daxil edib: Azər Muxtarlı (42 kq), Fail İskəndərov (46 kq), Zaur Nuriyev, Ədil Sadıqzadə (hər ikisi – 50 kq), Nurlan Dadaşov (54 kq), Cavidan Cavadov (58 kq), Elnur Əsədov, Cavid Miralayev (63 kq), Ülvi Qənizadə, Şirxan Quliyev (69 kq), Cavid Yusifov (76 kq), Tehran Əminzadə (85 kq), Uğur Hacılı və Əli Əminzadə (100 kq).

Qeyd edək ki, 100 kq çəkidə mübarizə aparan Əli Əminzadə həm sərbəst, həm də yunan-Roma güləşi yarşlarında mübarizə aparacaq. Beynəxalq dərəcəli hakim Natiq Hacıyev görüşlərin idarə edilməsində ölkəmizi təmsil edəcək.