Yeniyetmə sərbəst güləşçilər qitə birinciliyinə Xaçmazda hazırlaşır

Sərbəst güləş üzrə U-17 yığmamız aprelin 25-dən Xaçmaz olimpiya idman kompleksində təlim-məşqə start verib. Allsport.az saytı xəbər verir ki, məqsəd iyunda Rumıniya paytaxtı Buxarestdə qitə çempionatına hazırlıqdır. Proses mayın 6-dək davam edəcək. 

Böyük məşqçi Əsgərxan Novruzov, məşqçilər Vahid Məmmədov və Yaşar Əliyevin rəhbərliyi ilə həm fiziki, həm də taktiki-texniki çalışmalar keçirilir.

Komandamızın mayın 9-dan 11-dək Antalyada “Azadlıq kuboku”nda iştirakı da nəzərdə tutulub.