Yeniyetmə sərbəst güləşçilərimiz Kaspiyskdən 1 gümüş və 1 bürünc medalla qayıdır

Dağıstan Respublikasının Kaspiysk şəhərində yeniyetmə sərbəst güləşçilər arasında beynəlxalq turnir keçirilib. Allsport.az xəbər verir ki, məşqçi Namiq Quliyevin rəhbərliyi ilə turnirdə iştirak edən millimiz 1 gümüş və 1 bürünc medala sahib olub.

76 kq çəkidə mübarizə aparan İsmayıl Abdullayev yalnız finalda məğlub olaraq gümüş medalla kifayətlənib. Bürünc medalı isə 42 kq-da iştirak edən Tural Əsgərov qazanıb.