Yeniyetmə sərbəst və yunan-Roma güləşçilərin Bakı şəhər birinciliyi keçiriləcək

13-16 oktyabrda Hövsan Olimpiya İdman Kompleksində 2000-2001-ci il təvəllüdlü yeniyetmələr arasında Bakı şəhər birinciliyi keçiriləcək.

Allsport.az saytı xəbər verir ki, yarışın keçirilməsində məqsəd paytaxtda sərbəst və yunan-Roma güləş idman növünü təbliğ və inkişaf etdirmək, paytaxdakı idman təşkilatlarında təlim-məşqi təkmilləşdirmək, ən güclü idmançıları aşkar etmək, şəhər yığma komandasına namizədlər seçmək, gəncləri güləş ilə müntəzəm məşğul olmağa cəlb etməkdir.

4 gün davam edəcək birincilikdə ilk beşlikdə qərarlaşan idmançılar Respublika turnirinə vəsiqə əldə edəcək.