Yeniyetmə yunan-Roma güləşçilərimiz Batumidə

İyunun 14-15-də Gürcüstanın Batumi şəhərində dünya çempionu Davit Bedinadzenin şərəfinə yeniyetmə yunan-Roma güləşçiləri arasında beynəlxalq turnir keçiriləcək.  Yarışda bizdən 10 idmançı mübarizə aparacaq.

Böyük məşqçi Bəhram Mürvətov və məşqçi İslam Cəfərovun rəhbərliyi ilə qonşu respublikaya Azər Muxtarlı, Zaur Əliyev (hər ikisi 42 kq), Rəvan Rəcəbov, Mirsirac Həsənov (hər ikisi 46 kq), Nurlan Dadaşov, Əli Sadıqzadə (hər ikisi 54 kq), Cavidan Cavadov (58 kq), Cavid Yusifov (76 kq), Tehran Əminzadə (85 kq) və Uğur Hacılı (100 kq) yollanıblar.