Yeniyetmə yunan-Roma güləşçilərin Bakı birinciliyinə yekun vurulub

Gənclər və idman baş idarəsinin təşkilatçılığı ilə “Alüminiumçu” idman evində “Şuşa ili”nə həsr edilmiş yeniyetmə yunan-Roma güləşçiləri arasında paytaxt birinciliyi keçirilib.

Allsport.az saytı xəbər verir ki, gərgin və maraqlı görüşlərdə Elmir Şükürov (45 kq), Elvin Nuriyev (48 kq), Səid Xəlilov (51 kq), Əli Seyidəlili (55 kq), Mərd Əlizadə (60 kq), Nihad Bünyadzadə (65 kq), Elnur Hüseynov (71 kq), Əli Mehdiyev (80 kq), Xalid Vəlixanov (92 kq) və Əli Bayramov (110 kq) qalib adını qazanıblar.