Yevlax və Ağdaş bölmələrinin yeniyetmə voleybolçuları və məşqçiləri ilə görüş

Azərbaycan voleybol federasiyasının (AVF) prezidenti Şahin Bağırov, Gəncə regional voleybol klubunun (RVK) Yevlax və Ağdaş bölmələrinin yeniyetmə voleybolçuları və məşqçiləri ilə görüşüb. Allsport.az saytı xəbər verir ki, toplantıda Gəncə RVK-nın rəhbəri Şamil Həsənli, klubun direktoru Sərxan Məmmədov və yeniyetmə voleybolçuların valideynləri də iştirak ediblər.

Söhbət zamanı federasiya prezidentinə Gəncə RVK-nın Yevlax və Ağdaş bölmələrində görülən işlər, idmançılar və məşqçilər üçün yaradılan şərait barədə ətraflı məlumat verilib. Şahin Bağırov AVF-nin ölkəmizdə voleybolun inkişafı və kütləviliyinin artırılması istiqamətində həyata keçirdiyi işlərdən danışıb, gənc idmançılara tövsiyələr verib və onlara uğurlar arzulayıb.