Yığmanın sabiq üzvü həbs olundu

“Los Anceles Kings”, “Dinamo Minsk” və Finlandiya millisinin sabiq xokkeyçisi Yere Karalahti həbs edilib.

Allsport.az xəbər verir ki, 50 yaşlı şəxs narkotik vasitələrin qanunsuz dövriyyəsində şübhəli bilinir. 

Cinayət 2025-ci il iyunun 1-dən sentyabrın 29-dək Helsinkidə törədilib. İş çərçivəsində daha bir neçə nəfər də həbsə göndərilə bilər. Karalahti əvvəllər də narkotikə görə bəlaya düşüb. 2008-ci ildə Helsinki məhkəməsi xokkeyçinin Estoniyada 10 000 avroya amfetamin aldığını müəyyən edib və onu bir il səkkiz ay şərti həbs cəzasına məhkum edib. Karalahtinin həyatı ilə bağlı 2017-ci ildə dərc olunmuş kitabda iddia edilir ki, Cerenin narkotik təcrübələri onun yeniyetməlik illərində başlayıb.

Karalahti Finlandiya millisi ilə üç dəfə dünya çempionatının finalçısı olub.