Zəhra Salmanlı finalda

Parabadmintonçumuz Zəhra Salmanlı, İstanbulda keçirilən Avropa çempionatında tarix yazmaqda davam edir. Allsport.az saytı xəbər verir ki, 14 yaşlı idmançı Azərbaycan badmintonu tarixində ilk dəfə Avropa çempionatında qarışıq qoşa kateqoriyada finala yüksəlib!

SH-6 kateqoriyasında ingiltərəli komanda yoldaşı Krysten Coombs ilə tandem təşkil edən Zəhra yarımfinalda polşalı Daria Bujniçka və şotland Endryu Deyvis qoşasına 2:0 (21-18,21-10) hesabı ilə qalib gələrək qitə çempionatında finala yüksəlib.