Ədalətli idman günü

Bu il 19 apreldə qeyd ediləcək Ədalətli idman günü ilk dəfə 2013-cü il aprelin 10-da Cənubi Amerikanın 17 ölkəsinin iştirakı ilə keçirilən ÜADA-nın təhsil konfransında ədalətli idman təşəbbüsü kimi irəli sürülüb.

Cənubi Amerika ölkələrinin təşəbbüsünə daha sonra Avropa, ardınca isə bütün dünya ölkələri qoşulub. Hər il bu təşəbbüsə daha çox ölkə qoşularaq silsilə tədbirlərə ev sahibliyi edirlər. Bu isə hərəkatın qloballaşmasına imkan yaradır.

Dopinqə qarşı mübarizə aparan Azərbaycan milli antidopinq agentliyi əmindir ki, “Ədalətli idman həftəsi”ndə dürüstlük, rəqibə və qaydalara hörmət, sağlam rəqabət kimi dəyərlərin geniş idman ictimaiyyəti arasında yayılmasında sizin də əvəzsiz töhfəniz olacaq.