1/4 final cütləri bəllidir

Almaniyalı tennisçi Aleksandr Zverev Mayamidə keçirilən “Masters” turnirinin 1/8 final mərhələsində fransalı Kenten Qalini məğlub edib.

Allsport.az xəbər verir ki, 1 saat 46 dəqiqə davam edən gərgin qarşılaşma almaniyalı idmançının iki tay-brekdə qazandığı qələbə ilə başa çatıb – 7:6 (7:4), 7:6 (7:1).

Bu nəticədən sonra turnirin 1/4 final mərhələsinin bütün cütlükləri bəlli olub:

• Martin Landaluse (İspaniya) — İrji Leheçka (Çexiya)
• Tommi Pol (ABŞ) — Artur Fils (Fransa)
• Fransisko Serundolo (Argentina) — Aleksandr Zverev (Almaniya)
• Frensis Tiafo (ABŞ) — Yannik Sinner (İtaliya)

Mayami turniri ATP təqviminin ən nüfuzlu yarışlarından biri hesab olunur və cari mövsümün ikinci “Masters” turniridir.