1-ci divizonu Premyer Liqa ilə birləşdirmək planı var

“1-ci divizionla bağlı bir layihə vermişik. İstəyirik ki, 1-ci divizonu Premyer Liqa ilə birləşdirək. Belə olarsa, çempionatda gərginlik artacaq”.

Allsport.az xəbər verir ki, bunu Antalyada jurnalistlərə açıqlamasında Məşqçilər Komitəsinin üzvü Ağasəlim Mircavadov məlumat verib.

Onun sözünə görə, Məşqçilər Komitəsi 1-ci divizion klublarının baş məşqçiləri ilə görüşüblər: “Soruşduq ki, 2 il ərzində 1-ci diviziondan hansısa futbolçu Premyer Liqaya gedibmi? “Yox” dedilər.

Onda 1-ci divizion nədən ötrüdür? Hər halda bu məsələyə federasiya rəhbərliyi qərar verəcək, biz sadəcə olaraq, tövsiyə etmişik”.