19 yaşlı qızlarımız Almaniya millisinə də uduzdu

Bu gün 19 yaşadək qızların Avropa çempionatının elit-raund mərhələsində çıxış edən Azərbaycan millisi  sonuncu, 3-cü oyununu keçirib. Allsport.az saytı xəbər verir ki, yığmamız İrlandiyanın Dublin şəhərində Almaniya ilə üz-üzə gəlib.

Təəssüf ki, millimiz bu görüşdə də böyük hesabla uduzub – 1:5. Komandamızın yeganə qolunu matçın 28-ci dəqiqəsində hesabı açan Aysun Əliyeva vurub.

Qeyd edək ki, komandamız qrupdakı ilk oyununda Polşa ilə qolsuz heç-heçəyə razılaşmışdı. İrlandiya ilə 2-ci matç 0:3 hesablı məğlubiyyətimizlə ilə başa çatmışdı.