2 saylı RİOEUGİM-in məşqçi-müəllimi dünya çempionu oldu!

Norveçin paytaxtı Osloda dünya çempionatı davam edir. Allsport.az saytı xəbər verir ki, yarışın 7-ci günündə Azərbaycan himni səslənib. “Klassik” güləşdə 82 kq-da Rafiq Hüseynov finalda türkiyəli Burxan Ağbudaqa 2:1 qalib gələrək, 2 il öncəki nəticəsini yaxşılaşdırıb.

33 yaşlı bahadır Qazaxıstan paytaxtı Nur-Sultanda 2-ci olmuşdu. O, keçmiş AGF baş katibi Əjdər Cəfərovun direktoru olduğu 2 saylı RİOEUGİM-də yunan-Roma güləşi üzrə məşqçi-müəllimidir. Olimpiya mükafatçısı bu günlərdə işə düzəlib. Yeniyetmə və gənclərin ixtisaslaşmasında öz töhfəsini vermək niyyətindədir.