“Neftçi”nin keçmiş qapıçısı Yaponiyada klubunda

“Neftçi”nin sabiq qapıçısı Conni Leoni özünə yeni klub tapıb. Allsport.az saytı xəbər verir ki, İsveçrə millisinin keçmiş qolkiperi bundan sonra karyerasını Yaponiyada davam etdirəcək. O, bu ölkənin “Naqano Parseyro” klubu ilə anlaşıb.

Qeyd edək ki, Leoni “Neftçi”yə 2013-cü ilin fevral ayında gəlmişdi. Amma o, bu komandada heç bir oyun keçirmədən, 4 ay sonra müqaviləyə xitam verərək, Portuqaliyanın “Maritimo” klubuna keçmişdi.