5 medalla Avropa 3-cüsü olan yunan-Roma güləş millisi Vətənə dönüb

Bolqarıstanın Plovdiv şəhərində U-23 Avropa çempionatında uğurlu çıxış edən yunan-Roma güləşi üzrə millimiz Vətənə qayıdıb.

Allsport.az saytı xəbər verir ki, böyük məşqçi Rövşən Bayramov, məşqçilər Akif Əliyev və Həsən Əliyevin rəhbərliyi ilə 6 idmançıyla qatılan yığmamız, 5 medal qazanıb. Bu, güləşin bu növündə U-23 Avropa çempionatlarında medal sayına görə rekord göstəricidir.

Martın 11-də səhər saatlarında komandamız vətənə qayıdıb. Heydər Əliyev beynəlxalq aeroportunda onları məşqçilər, digər yığma üzvləri və idmançıların yaxınları qarşılayıblar.