81 yaşlı dünya və Avropa çempionuna İlham Əliyev tərəfindən fərdi təqaüd

Ölkə başçısı İlham Əliyev sərbəst güləş üzrə dünya çempionu Aydın İbrahimovla bağlı sərəncam imzalayıb. Allsport.az saytı xəbər verir ki, Azərbaycanda idmanın inkişafında xidmətlərinə görə ona prezidentinin fərdi təqaüdü veriləcək.

Həmyerlimiz 2 dəfə Avropa çempionatının qalibi olub. O, Tokio-1964 olimpiya oyunlarında bürünc medalçısıdır. Nailiyyətlərinə görə SSRİ-nin əməkdar idman ustası, əməkdar məşqçi, beynəlxalq dərəcəli hakim adlarını alıb.

Aydın İbrahimov bir müddət futbol sahəsində də çalışıb, 1988-1997-ci illərdə “Neftçi” klubunun ilk prezidenti olub.

Gəncə güləş məktəbinin yetirməsi ötəl il 80-illik yubileyini qeyd edib.