ABU klubu Cağırış kubokunun 1/8 finalında hər 2 oyunu Polşada keçirəcək

Qadın həndbolçulardan ibarət ABU klubunun Cağırış kubokunun 1/8 finalında oyunlarının vaxtı müəyyənləşib. Allsport.az saytı xəbər verir ki, ölkə çempionu “Kram Start Elblaq” klubu ilə hər iki görüşü Polşada keçirəcək. Matçlar gələn il fevralın 10-da və 11-də baş tutacaq.

İlk oyunda Rəfiqə Şabanovanın komandası nominal meydan sahibi kimi çıxış edəcək. Xatırladaq ki, hənbolçularımız 3-cü təsnifat mərhələsində Belçikanın “Femina Vize” klubuna Bakıda hər 2 matçda qalib gəlmişdi.