AFFA “İmişli”nin şikayətini qismən təmin edib

AFFA-nın apelyasiya arbitraj tribunalının iclası keçirilib.

Allsport.az xəbər verir ki, qurum “İmişli”nin şikayətinə baxıb. I Liqanın XX turu çərçivəsində keçirilən “Mingəçevir” – “İmişli” oyununun 80-ci dəqiqəsində ciddi qayda pozuntusuna görə birbaşa qırmızı vərəqə alan Gilyerme Silvanın 2 oyun cəzalanması, klubun 150 manat cərimə edilməsinə yenidən baxılıb.

Futbolçu barəsində tətbiq olunan 2 oyunluq cəzanın çəkilməmiş hissəsi, yəni, 1 matçlıq diskvalifikasiya şərti tətbiq ediləcək. Ona 3 ay sınaq müddəti verilib. Cərimə isə qüvvədə saxlanılıb.