AFFA “Neftçi”nin şikayətini təmin etməyib

AFFA-nın apelyasiya arbitraj tribunalının iclası keçirilib.

Allsport.az xəbər verir ki, yığıncaqda “Neftçi”nin apelyasiya şikayətinə baxılıb. Tribunal paytaxt təmsilçisinin müraciətini təmin etməyib.

Əvəzedicilər liqasının XXIX turunun “Sumqayıt-2” ilə oyununun 90+5-ci dəqiqəsində rəsmi şəxsə qarşı qeyri-etik jest etdiyinə görə birbaşa qırmızı vərəqə alan Ağadadaş Salyanskinin cəzası dəyişməz qalıb. Onun 4 oyun cəzalanması, komandanın 300 manat cərimə edilməsi qüvvədə saxlanılıb.

“Neftçi” apelyasiya arbitraj tribunalının qərarından Lozannadakı idman üzrə arbitraj məhkəməsinə (CAS) şikayət verilmək hüququna malikdir.