Afrikada ilin futbolçusu adına son 5 namizəd bilindi

Afrika futbol konfederasiyası ilin ən yaxşı oyunçusu adına beş namizədin adını açıqlayıb.

Allsport.az xəbər verir ki, iddiaçılar arasında Simon Adinqra (Fildişi Sahili, “Brayton”), Seru Girassi (Qvineya, “Borussiya Dortmund”), Əşrəf Hakimi (Mərakeş, PSJ), Ademola Lukman (Nigeriya, “Atalanta”) və Ronven Uilyams (Cənubi Afrika, “Mamelodi Sandauns”) var.

Mükafatlandırma mərasimi çərçivəsində ilin ən yaxşı qapıçısı, məşqçisi, gənc oyunçusu, klubu və komandası da müəyyənləşəcək. Mərasim dekabrın 16-da Mərakeşdə keçiriləcək.