Ağdamda 420 idmançının iştirakı ilə beynəlxalq turnir keçirilir

Ağdam Olimpiya İdman Kompleksində ümummilli lider Heydər Əliyevin xatirəsinə həsr olunan universal döyüş üzrə beynəlxalq turnir keçirilir. Allsport.az xəbər verir ki, turnir iştirakçıları, Azərbaycan Universal Döyüş Federasiyasının və Ağdam Rayon İcra Hakimiyyətinin nümayəndələri əvvəlcə ümummilli lider Heydər Əliyevin Quzanlı qəsəbəsindəki abidəsini ziyarət ediblər.

Turnirdə Azərbaycan, Rusiya, Türkiyə, İran, Gürcüstan, Qazaxıstan və Litvadan 420 idmançı mübarizə aparır. Azərbaycan millisi turnirdə dörd heyətlə təmsil olunub. Yarışlar böyüklər, gənclər və yeniyetmələr arasında 9 çəki dərəcəsi üzrə keçirilir. Artıq böyüklər arasında keçirilən yarışın qalibləri müəyyən edilib. 9 çəkidən 7-də qızıl medalı Azərbaycan döyüşçüləri qazanıb.

Yarışlar aprelin 26-dək davam edəcək.