”Daha rəngarəng oyun nümayiş etdirəcəyik”

“Araz-Naxçıvan” premyer liqanın 13-cü turunda “Dalqa arena”da “Sumqayıt”a 1:0 qalib gəlib. Allsport.az xəbər verir ki, mətbuat konfransında “al qurdlar”ın baş məşqçisi Elmar Baxşıyev bunu deyib:

“Son 10 gün ərzində 3-cu rəsmi oyunumuz idi. Bilirdik ki, komanda matçın gedişində çətinlik çəkəcək. Ümumi götürdükdə, oyun ağır oldu. Komandam xarakter göstərdi. Marafon uzundur.

Qələbə münasibəti ilə komandanı təbrik edirəm. Zədəli futbolçularımız da sıraya döndükdən və optimal heyətə sahib olduqdan sonra daha rəngarəng oyun nümayiş etdirəcəyik”.