AHF-in vitse-prezidenti seçkidə bu namizədə səs verib

Türkiyənin Antalya şəhərində Beynəlxalq Həndbol Federasiyasının 36-cı konqresi keçirilib. Allsport.az saytı xəbər verir ki, tədbirdə ölkəmizi AHF-in vitse-prezidenti Orxan Abbasov təmsil edib.

Toplantının gündəliyində duran əsas məsələlərdən biri İHF-yə müvafiq yerlərə seçkilər olub. Səsvermənin nəticəsinə əsasən qurumun hazırkı Misirdən olan prezidenti Həsən Mustafaya növbəti dəfə etimad göstərilib.

Seçkidən sonra Beynəlxalq Olimpiya Komitəsinin prezidenti Tomas Bax onu təbrik edib; həndbolun inkişafına göstərdiyi xidmətlər təqdir olunub.