“Al qurdlar”ın kapitanı 100-ü haqladı

“Araz-Naxçıvan”ın futbolçusu Vadim Abdullayev ölkə çempionatlarında 100-cü oyununu keçirib. Allsport.az saytı xəbər verir ki, “al qurdlar”ın kapitanı 7-ci turda “Turan Tovuz”la səfər görüşdə (2:1) start heyətində meydana çıxıb.

O, 100 matçı 5 fərqli klubda keçirib. “Bakı”da 19, “Simurq”da 19, “Qəbələ”də 1, “Sabah”da 20, “Araz-Naxçıvan”da 41 dəfə fürsət qazanıb. 29 yaşlı yarımmüdafiəçinin yeganə qolu “Simurq”un heyətində qeydə alınıb.

Vadim Abdullayevin debütü 2012-ci il mayın 5-də “Bakı” – “Neftçi” qarşılaşmasında (2:0) gerçəkləşib.