Alina Kuznetsova: Yorulduğum üçün son dəqiqədə top əlimdən düşdü və 2 gözəl fürsəti qaçırdım

Qadın həndbolçuların ölkə çempionatının 3-cü turunda «Abu arena»da keçirilən «Qarabağ» – «Nur» görüşü böyük maraqla izləndi. Adı çəkilən komanda görüş boyu hesabda irəli də olsa da, son saniyələrdə gözəl fürsətləri qaçırdı və təşəbbüsü rəqibə verdi və məğlub oldu (26:27). Ev sahibələrindən bu matçda ən məhsuldar oyunçu Alina Kuznetsova idi. Legionçunun 9 zərbəsindən 6-sı qapıdan keçdi. Allsport.az saytına açıqlamasında o, qaçırılan qələbəyə belə izah verdi:

«Məğlubiyyə bizə çox ağır gəldi. Amma nəzərə alaq ki, «Nur» güclü komandadır, öz oyununu sırımağı bacarır və sonacan mübarizə aparır! Biz sadəcə öz toplarımızı vurmalı idik. Çox təəssüf, hansısa məqamda bunu edə bilmədik. Bəli, üzgünəm, özüdə çox. Yalnız komanda üçün oynamaq istəyirdim. Hərçənd yorğunluq müqabilində top əlimdən düşdü və son saniyələrdə ardıcıl 2 zərbəni nöqtəyə göndərə bilmədim».